فاكره اول مره اشوف
قطع شطرنج
كنت صغيره وكانت جيالى هديه
عيد ميلاد
فقعدت افحص القطع
فى محاوله منى اعرف انها
بتتلعب ازاى
وعماله اقلب لوحه الشطرنج
قال بدور على اى حجار او زراير
على اساس هتغنى او تنور هههههههه
شافنى اخويا قعد يضحك
قالى مش ليها زراير ولا بتنور ولا بتغنى
قلت امال قالى عايزة تلعبيها
قلت علمنى
الاول قعدت يشرحلى اهميه اللعبه
ومش اى حد يقدر يلعبها او يصبر على لعبها
كعادته ديما لما اخويا يحب يحببنى فى حاجه
يتحدى ذكائى ويقولى مش هتعرفى تعمليها
المهم علمنى وبقيت العبه وقاعدتنا بالساعات
نلعب اعترف مش على طول بفوز بس
او بالاحرى مش فزت الا مره واحده
وهو اللى سابنى افوز كمان هههههه هع
بس علمنى كش ملك
وقالى خليها مبدأ فى حياتك
اى عاده غلط او خبر وحش
او خلق غير حميد
اعمليله كش ملك
كش ملك للظلم
كش ملك للاساءه رسولنا
كش ملك لمن يسلبنا ذاتنا
كش ملك للتفاهه والاسفاف
والاستخفاف بعقولنا
كش ملك لمن يريدها نار
كش ملك للفتنه